पत्नी निघून गेली, पतीची सासूरवाडीत आत्महत्या

धायटी येथील शशिकांत आत्माराम शिंदे यांची मुलगी मोनाली हिचा महावीर रमेश भोसले (रा. सरड, ता. फलटण) यांच्याशी १५ वर्षांपूर्वी विवाह झाला होता. दरम्यान, ७ वर्षांपासून मुलगी मोनाली व जावई महावीर भोसले हे शशिकांत शिंदे यांच्याकडे धायटी येथे राहत होते. दरम्यान, ९ मे रोजी पत्नी मोनाली महावीर भोसले ही घरातून निघून गेल्याने पती महावीर भोसले यांनी सांगोला पोलिसांत खबर दिली होती. दरम्यान, १२ मे रोजी रात्री ८ वाजता महावीर भोसले हे जेवण करून घरात झोपले होते. पहाटे ५ च्या सुमारास शशिकांत शिंदे हे झोपेतून पाणी पिण्यासाठी उठले असता त्यांना जावई महावीर भोसले याने घरातील पत्र्याच्या अँगलला दोरीच्या साह्याने गळफास घेतल्याचे निर्दशनास आले.