कोरोनाचा संसर्ग कोणालाही होऊ नये, म्हणून प्रत्येकाने आपापली काळजी घ्यावी, यासाठी सर्वेक्षणापासून ते लसीकरणापर्यंतच्या कामाची संपूर्ण जबाबदारी गेल्या दीड वर्षांपासून येथील आरोग्यसेविका, आरोग्यसेवक, आरोग्य सहाय्यक, पर्यवेक्षक, विस्ताराधिकारी व वैद्यकीय अधिकारी पार पाडत आहेत.
----
मला कोरोना झाल्यानंतर मानसिक टेन्शन असूनही मी दहा दिवस उपचार घेऊन त्यावर मात केली. नागरिकांच्या सेवेसाठी पुन्हा लगेच माझ्या कर्तव्यावर हजर झाले. मला काम करण्याचा आनंद वाटतो.
- मनीषा गिरी, आरोग्य सहाय्यक, मानेगाव.
----
कोरोना झाला, त्यावेळी मी लगेच उपचार सुरू केले व त्यावर प्रथम मात केली. यादरम्यान मला नेहमी माझ्या कुटुंबाची काळजी वाटत होती. परंतु लोकांची आरोग्य सेवा केल्याने मला काहीही झाले नाही. कोरोनावर मात करून लगेच कर्तव्यावर हजर झाले.
- उमा फुटाणे, आरोग्य कर्मचारी, रोपळे.
---
ऐन कोरोनाच्या पार्श्वभूमीवर तालुका पर्यवेक्षक म्हणून पंचायत समिती कार्यालयात आलो. भयंकर स्थिती असतानाही सर्व अधिकारी व कर्मचाऱ्यांनी यावर योग्यरित्या काम केल्याने तालुक्यातील बहुसंख्य रुग्ण बरे करण्यास मदत झाली. याचा मला आनंद आहे.
- अंकुश कुंभार, तालुका पर्यवेक्षक, पंचायत समिती, कुर्डूवाडी
----
कोरोनाची पहिली व दुसरी लाट आल्यानंतर माझ्या सर्व अधिकारी व कर्मचारीवर्गाने उत्स्फूर्त सहभाग नोंदवून काम केले. त्यामुळे तालुक्यात कोरोनाला रोखता आले. यादरम्यान मी व घरातील सदस्य पॉझिटिव्ह आलो होतो, तरीही मी ड्युटीवर कार्यरत होतो. त्यावर मात करून पुन्हा मी जोमाने काम केल्याने रुग्ण संख्या कमी झाली.
- डॉ. शिवाजी थोरात, तालुका आरोग्य अधिकारी, माढा
---