मोहोळ : अकलूज येथून नऊ आरोपी घेऊन सोलापूरकडे निघालेल्या पोलीस व्हॅनच्या गाडीचे टायर फुटून गाडी घसरत जाऊन झालेल्या अपघातात पोलीस कर्मचारी, आरोपीसह १८ जण किरकोळ जखमी झाले.
मंगळवारी सायं. ६ वाजण्याच्या सुमारास सावळेश्वरजवळ हा अपघात झाला.
पोलीस सूत्रांकडील माहितीनुसार ११ मे रोजी अकलूजहून ९ आरोपींना घेऊन पोलीस व्हॅन (एम. एच. १३ पी. ०४५७) आरोपींना घेऊन सोलापूरकडे निघाली होती. दरम्यान, सावळेश्वरजवळ पोलीस व्हॅन येताच तिचे टायर फुटले. त्यामुळे गाडी घसरत जाऊन अपघात झाला. या अपघातात एका महिला पोलीस कर्मचाऱ्यासह पोलीस कॉन्स्टेबल निमगिरे, कोळी, लोखंडे, सोनवणे, होमगार्ड गोडसे, कामाने, शिंदे, गलांडे हे किरकोळ जखमी झाले आहेत. याबाबत व्हॅन चालक पोलीस कॉन्स्टेबल मनोज सोनवणे यांनी मोहोळ पोलिसात खबर दिली असून अधिक तपास मोहोळ पोलीस करीत आहेत.
----
फोटो . ११ मोहोळ
सावळेश्वरजवळ आरोपींना घेऊन निघालेली पोलीस व्हॅन टायर फुटून घसरत गेली.