तिघांच्या मारहाणीत तिघे जखमी

नवनाथ टकले हा रविवारी सायंकाळी डाळिंबाच्या बागेला पाणी देण्यासाठी शेतात गेला होता. दरम्यान, चुलत भाऊ तानाजी टकले याने त्यांच्या शेतातील उभ्या ज्वारीच्या पिकात ट्रॅक्टर घातला. हा प्रकार नवनाथने भाऊ निवृत्ती टकले यास घरी येऊन सांगितला. याचा जाब विचारण्यासाठी तानाजी याच्या घरासमोर रस्त्यावर गेला असता तानाजी टकले, धर्मराज टकले, श्रीमंत टकले या तिघांनी शिवीगाळ करत मारहाण करण्यास सुरुवात केली. यावेळी धर्मराव टकले याने कुऱ्हाडीचा घाव निवृत्तीच्या डोक्यात घातला, तर तानाजी व श्रीमंत टकले यांनी दांडक्याने मारहाण करून जखमी केले. यावेळी भाऊ नवनाथ व त्याची पत्नी रेखा भांडण सोडवण्यासाठी आले असता त्यांनाही या तिघांनी मारहाण केली. याबाबत निवृत्ती टकले यांनी फिर्याद दाखल केली आहे. पोलिसांनी तानाजी महादेव टकले, धर्मराज महादेव टकले, श्रीमंत तुकाराम टकले यांच्यावर गुन्हा दाखल केला आहे.