एखतपूर येथे वैरण कापण्याचा कटर, एसटीपीसह इंजिन स्टॅन्डची चोरी

एखतपूर येथील नवनाथ जाधव २८ मे रोजी कुटुंबासह जेवन करून रात्री १२च्या सुमारास घरात झोपले होते. दुसऱ्या दिवशी २९ मे रोजी सकाळी ६च्या सुमारास नवनाथ जाधव जनावरांसाठी वैरण कापण्यासाठी घराच्या पाठीमागील बाजूस कटरकडे गेले. यावेळी तेथे कटर दिसून आला नाही. त्यांनी दोघा भावांकडे कटरविषयी विचारणा केली असता त्यांनी माहीत नसल्याचे सांगितले. त्यानंतर त्यांनी आजूबाजूस व डाळिंबाच्या बागेमध्ये कटरचा शोध घेताना डाळिंबाच्या बागेतील एसटीपी व इंजिनसह लोखंडी स्टॅन्ड दिसून आले नाही. अज्ञात चोरट्याने आठ हजार रुपये किमतीचा वैरण कापण्याचा कटर, १२ हजार रुपये किमतीचा एसटीपीसह इंजिन स्टॅन्ड असे सुमारे २० हजार रुपये किमतीचे साहित्य चोरून नेले. याबाबत नवनाथ रंगराव जाधव यांनी अज्ञात चोरट्याविरुद्ध फिर्याद दिली आहे.