वडाळा येथील डाॅ. अनिल कुलकर्णी यांना बीबीदारफळ - कोंडी रस्त्यावरून मारहाण करून गाडीसह मंगळवारी रात्री किडनॅप केले होते. त्यांना पुणे येथे सोडून दिल्याने त्यांनी गुरुवारी रात्री सोलापूर तालुका पोलिसांत फिर्याद दाखल केली. शुक्रवार व शनिवार दोन दिवस चार पथके आरोपींचा शोध घेत असल्याचे पोलीस खात्याकडून सांगण्यात आले, मात्र हाती काहीच लागले नाही.
चौकट
पथकांनी काय केले?
बीबीदारफळ गावात दोन - तीन घरफोड्या झाल्या होत्या. सीसीटीव्हीत चोरटे दिसत होते, मात्र पोलिसांना सापडले नाहीत. ह.भ.प. वसंत साठे यांच्या घरातील लहान मुलं घेऊन जाण्याची धमकी देत चोरटे दागिने घेऊन गेले. चौकशीसाठी पथके रवाना झाली, मात्र चोरटे सापडले नाहीत. पोलीस पथकाने काय केले, असा सवाल नागरिकांमधून होऊ लागला आहे.
-----