चळे : पंढरपूर पंचायत समितीच्या उपसभापतीपदी राजश्री भोसले यांची निवड करण्यात आली.
पंढरपूर पंचायत समिती सभागृहात निवडणूक निर्णय अधिकारी तथा तहसीलदार सुशील बेल्हेकर यांच्या अध्यक्षतेखाली निवड प्रक्रिया पार पडली. यावेळी पंचायत समिती उपसभापतीपदासाठी राजश्री भोसले यांचाच एकमेव अर्ज आल्याने त्यांची बिनविरोध निवड झाली.
यावेळी गटविकास अधिकारी रविकिरण घोडके, पांडुरंग कारखान्याचे माजी अध्यक्ष दिनकर मोरे, झेडपी सदस्य वसंतराव देशमुख, प्रणव परिचारक, सभापती अर्चना व्हरगर, माजी सभापती दिनकर नाईकनवरे, राजेंद्र पाटील, माजी उपसभापती प्रशांत देशमुख, अरुण घोलप, संभाजी शिंदे, दादा मोटे, उमाबाई बंगाळे, सत्यवान देवकुळे, रजनी देशमुख, तानाजी वाघमोडे, जिल्हा अभियंता संघटनेचे जिल्हाध्यक्ष पंडितराव भोसले, संतोष घोडके, सरपंच अनिता गायकवाड, उपसरपंच रमेश आदमाने, माजी सरपंच रमेश क्षीरसागर, राजेंद्र पवार, मधुकर गायकवाड, शिवाजी गायकवाड, पंडित गायकवाड, तानाजी शिंदे, अशोक क्षीरसागर, समाधान जाधव, शिवाजी नवले, बाळू क्षीरसागर आदी उपस्थित होते.
---
०४ पंढरपूर पंचायत समिती
पंढरपूर पंचायत समितीच्या उपसभापतीपदी राजश्री भोसले यांची निवड झाल्यानंतर सदस्य, पदाधिकारी, कार्यकर्ते यांनी जल्लोष केला.