वाहनाच्या धडकेने पादचारी ठार

५५ वर्षांचा अनोळखी इसम गंभीर जखमी होऊन मरण पावल्याची घटना शनिवारी घडली़

सोलापूर : भरधाव वेगात जाणाऱ्या वाहनाच्या धडकेने ५५ वर्षांचा अनोळखी इसम गंभीर जखमी होऊन मरण पावल्याची घटना शनिवारी दुपारी २़३० ते ३ वाजण्याच्या दरम्यान घडली़ याबाबत पोलीस हेडकॉन्स्टेबल विलास राठोड यांनी जोडभावी पेठ पोलीस ठाण्यात फिर्याद दिली आहे़ दुपारी अनोळखी व्यक्ती सोलापूर मार्केट यार्ड-दहिटणे क्रॉस रोडवरुन जात असताना अयोध्यानगरीजवळ अज्ञात वाहनाची धडक बसली़ या अपघातात पादचाऱ्याच्या डोक्यावरुन, अंगावरुन वाहन गेले़ अधिक तपास सहायक पोलीस निरीक्षक वाबळे करीत आहेत़