ऑनलाइन लोकमत -
पंढरपूर, दि. 08 - पंढरपूरला विठ्ठलाचे दर्शन घेऊन पुन्हा पालखीकडे परतणा-या वारक-यांच्या ट्रकला अपघात झाला आहे. जेऊर-करमाळा रस्त्यावर हा अपघात झाला आहे. या अपघातात एका वारकऱ्याचा मृत्यू झाला असून 48 जण जखमी झाले आहेत. हे सर्व वारकरी निवृत्ती महाराजांच्या पालखीतील आहेत. जखमी वारक-यांना नगर आणि करमाळामधील रुग्णालयात उपचारासाठी भरती करण्यात आलं आहे.
हे सर्व वारकरी त्र्यंबकेश्वरहून वारीत सहभागी झाले होते. पंढरपुरात विठ्ठलाचे दर्शन घेऊन त्यांचा ट्रक परतत होता. मात्र ड्रायव्हरला अचानक झोप लागल्याने ट्रक पलटला. या अपघातात एकाचा मृत्यू झाला असून तर 48 वारकरी जखमी झाले आहेत. मोतीराम गोविंद शिंदे असं मृत वारकऱ्याचं नावं आहे. सगळे वारकरी नाशिक जिल्ह्यातील त्र्यंबकेश्वर आणि गंगापूर परिसरातील आहेत.