बोलेरो-मोटारसायकल अपघातात एक ठार

मृतक सोलापूर जिल्ह्यातील.

चोरपांग्रा (जि. बुलडाणा) : चोरपांग्रा ते दुसरबीड रोडवरील एका हॉटेलनजीक बोलेरो गाडीने मोटारसायकलला जबर धडक दिल्याने एक ठार तर एक गंभीर जखमी झाल्याची घटना १८ मार्च रोजी रात्री उशिरा घडली. सोलापूर जिल्ह्यातील भोगेवाडी येथील बालाजी दिलीप काळे व ढवसळ येथील ओंकार नितीन पाटील हे दुसरबीडवरून मेहकरकडे एम.एच.४५ क्यू.६८0२ क्रमांकाच्या मोटारसायकलने जात होते. दरम्यान, समोरुन येणार्‍या एम.एच.२२ एस.४३४३ क्रमांकाच्या बोलेरो गाडीने त्यांच्या दुचाकीला जबर धडक दिली. त्यामध्ये बालाजी काळे हे जागेवरच ठार झाले, तर ओंकार पाटील हे गंभीर जखमी झाले आहेत. अपघात घडताच बोलेरो गाडी साखरखेर्डा मार्गे भरधाव वेगात निघून गेली. लोणार पोलीस स्टेशनचे पी.आय. यशवंत बाविस्कर यांनी तात्काळ साखरखेर्डा पोलिसांशी संपर्क साधला असता, साखरखेर्डा पोलिसांनी सदर बोलेरो गाडीला रस्त्यातच अडविले; तसेच बोलेरो गाडीचालक काशिनाथ प्रल्हाद भारती रा.काजळा जि.जालना ह.मु.सावित्रीनगर औरंगाबाद याला ताब्यात घेऊन बिबी पोलिसांच्या स्वाधिन केले. यासंदर्भात सोलापूर जिल्ह्यातील ढवसळ येथील सागर रमेश पाटील यांच्या फिर्यादीवरून बिबी पोलिसांनी काशिनाथ प्रल्हाद भारती याच्या विरुद्ध गुन्हा दाखल केला आहे.