माध्यमिक शालांत परीक्षा पुणे विभागाचा कोरोना पार्श्वभूमीवर ऑनलाईन निकाल जाहीर झाला. उत्तीर्ण ३०४७ विद्यार्थ्यांपैकी १२४७ विद्यार्थी विशेष श्रेणी, १३१५ प्रथम श्रेणी, ४५२ द्वितीय श्रेणी, तर ३३ विद्यार्थी पास श्रेणीत उत्तीर्ण झाले आहेत. संस्थेत शिवचंद्र थोरात व श्रेयस शिंदे यांनी १०० टक्के (सदाशिवराव माने विद्यालय, अकलूज) गुण मिळवून प्रथम आले. आकाश जगताप (स.मा.वि. अकलूज), प्रियंका शिंदे (जिजामाता कन्या प्रशाला), हर्षाली नाईकनवरे (लक्ष्मीबाई कन्या प्रशाला) यांनी ९९.२० टक्के द्वितीय, इकरा शेख (जिजामाता कन्या प्रशाला, अकलूज) ९९ टक्के गुण मिळवत तृतीय क्रमांक मिळविला.
संस्थेच्या सदाशिवराव माने विद्यालय, जिजामाता कन्या प्रशाला अकलूज, लक्ष्मीबाई कन्या प्रशाला, महर्षी शंकरराव मोहिते प्रशाला (यशवंतनगर), श्री बाणलिंग विद्यालय (फोंडशिरस), कर्मवीर बाबासाहेब माने-पाटील विद्यालय (सदाशिवनगर), मोरजाई विद्यालय (मोरोची), सहकार महर्षी शंकरराव मोहिते-पाटील विद्यालय (वेळापूर), श्री गणेश विद्यालय (पिंपळनेर), श्री विजयसिंह मोहिते-पाटील विद्यालय (वाघोली), श्री विजयसिंह मोहिते-पाटील विद्यालय (कोळेगाव), सदाशिवराव माने विद्यालय (माणकी), श्रीमती रत्नप्रभादेवी मोहिते-पाटील विद्यालय (कोथरुड), श्री जयसिंह मोहिते-पाटील विद्यालय (संग्रामनगर), श्री समर्थ रामदास विद्यालय (शिवथर), प्रतापसिंह मोहिते-पाटील विद्यालय (शिवपुरी), श्री पळसेश्वर विद्यालय (पळसमंडळ), श्री काळभैरव विद्यालय (गुरसाळे), श्री सावतामाळी विद्यालय (माळेवाडी), श्रीमती रत्नप्रभादेवी मोहिते-पाटील प्रशाला (नातेपुते), श्री हनुमान विद्यालय (लवंग), श्रीमती रत्नप्रभादेवी मोहिते-पाटील विद्यालय (मांडवे), श्री चक्रेश्वर माध्यमिक विद्यालय (चाकोरे), श्री तुकाराम विद्यालय (बोंडले), श्री विजयसिंह मोहिते-पाटील विद्यालय (विझोरी), श्री शंभू महादेव विद्यालय (उंबरे- दहिगांव), श्रीनाथ विद्यालय लोंढे (मोहितेवाडी), रामलिंग विद्यालय (कुरबावी), कृष्णानंद विद्यामंदिर (पाटीलवस्ती), अकलाई विद्यालय (अकलूज), श्री संभाजीबाबा विद्यालय (इस्लामपूर), मोहनराव पाटील विद्यालय (बोरगाव), रात्र प्रशाला (अकलूज) या शाळेचा निकाल शंभर टक्के लागला.
याबद्दल संस्थेचे अध्यक्ष जयसिंह मोहिते-पाटील, सदस्य संग्रामसिंह मोहिते-पाटील, स्वरुपाराणी मोहिते-पाटील, सचिव अभिजित रणवरे, सहसचिव हर्षवर्धन खराडे-पाटील यांच्यासह संचालक, विविध शाखांचे पदाधिकारी, मुख्याध्यापकांनी कौतुक केले.