दिगंबर प्रभू आटपाडकर (वय ५५, रा. शिंगणहळ्ळी, ता. जत, जि. सांगली असे मृत वृद्धाचे नाव आहे. अपघात घडताच चालक ट्रॅक्टर जागेवर सोडून पळून गेला.
सोनंद अंतर्गत लक्ष्मीनगर येथे एनएल ०१ / एडी २१८७ या ट्रॅक्टर वरील अज्ञात चालक ट्रेलर पाठीमागे घेत असताना ट्रेलरच्या पाठीमागील बाजूस उभे असणारे दिगंबर आटपाडकर यास जोराची धडक दिली. ते क्लीनर साईटच्या डाव्या चाकाखाली सापडल्याने दोन्ही पाय कंबरेपर्यंत चिरडल्याने ते मोठमोठ्याने ओरडत होते. ही घटना पाहून श्रीमंत हिप्परकर व दादासाहेब भुसनर या दोघांनी जखमी दिगंबर आटपाडकर यास चाकाखालून बाहेर काढून उपचारासाठी सांगोला ग्रामीण रुग्णालयात दाखल केले. मात्र डॉक्टरांनी तपासून ते मयत झाल्याचे सांगितले. याबाबत श्रीमंत हिप्परकर (रा. शिंगणहळ्ळी, ता. जत) यांनी अज्ञात चालकाविरुद्ध फिर्याद दाखल केली आहे.