माळशिरसचे चहावाले साहेब ना ... SS
माळशिरस ... चहा हे पाहुणचाराचे प्रमुख अस्त्र आहे. घ्या... घ्या... असा आग्रह, नको... नको... हट्ट असा चुटु-पुटीचा डायलॉग नवीन नाही. मात्र राजकीय मंडळींचे चहापान नेहमी चर्चेचा विषय ठरतो . माळशिरसमध्ये भाजपा काही इतर पक्षांच्या नेत्यांचा चहाचा टप्पा मात्र वेगळ्या चर्चेचा विषय ठरत आहे. सध्याचे भाजपाच्या किसान मोर्चाचे जिल्हाध्यक्ष बाळासाहेब सरगर यांच्याकडच्या चहाची चव राजकीय नेतेमंडळींना चांगलीच रुचत आहे. चार-पाच वर्षांत भाजपा, राष्ट्रवादी, शिवसेना आदी पक्षांच्या तब्बल दोन डझन नेतेमंडळींनी सरगर यांच्या निवासस्थानी ‘चाय पे चर्चा’ केली... यात विजयसिंह मोहिते पाटील, विरोधी पक्षनेते प्रवीण दरेकर, राष्ट्रवादीचे आ.रोहित पवार, शिवसेनेचे खा. संजय जाधव, विजयकुमार देशमुख, चित्राताई वाघ, खा. रणजितसिंह नाईक निंबाळकर, सुभाष देशमुख, आ. राम सातपुते यांच्यासह बडी नेतेमंडळी सरगर यांच्या निवासस्थानी चहापानाच्या निमित्ताने कॅमेऱ्यात बंद झाली आहेत. सध्या देशभरात ही चहावाल्याची अनोखी चर्चा सोशल मीडियात असतानाच माळशिरसच्या चहावाल्या साहेबांची चर्चा तालुक्यात रंगत आहे.
---
एल. डी. वाघमोडे