करमाळा : दोन ट्रॅक्टरच्या ओव्हरटेकमध्ये एका मोटारसायकलस्वाराचा मृत्यू झाला. या अपघातानंतर ट्रॅक्टर चालकाने तेथून पळ काढला.
बंडू रधुनाथ अंबोधरे (वय ४८, रा. भिलारवाडी, ता. करमाळा) असे मरण पावलेल्या मोटारसायकलस्वाराचे नाव आहे. १८ जानेवारी रोजी कात्रज (ता. करमाळा) फाट्यावर सायंकाळी साडेसहा वाजता हा अपघात झाला.
सोमवारी सायंकाळी साडेसहा वाजण्याच्या सुमारास बंडू रघुनाथ अंबोधरे हे दुचाकीवरून कामावर निघाले होते. भिगवणहून येत असताना कात्रज फाट्याजवळ (ता. करमाळा) येताच उसाने भरलेला एक ट्रॅक्टर दुसऱ्या ट्रॅक्टरला ओव्हरटेक करण्याचा प्रयत्न करीत होता. त्याचा धक्का अंबोधरे यांना लागला. ते ट्रॅक्टरच्या टायर खाली गेले व चाक अंगावरून गेले. बंडू अंबोधरे हे जागीच मरण पावले. यानंतर ट्रॅक्टरचालक तेथून पळून गेला.