बऱ्हाणपूर : अक्कलकोट तालुक्यातील पितापूर ग्रामपंचायत सरपंचपदासाठी झालेल्या निवडणुकीत मोहसिना सगरी यांनी मालनबी नदाफ यांचा एका मताने पराभव केला.
सरपंच व उपसरपंचपदाची निवड करण्यासाठी ग्रामपंचायत कार्यालयात बैठक घेण्यात आली. सरपंचपदासाठी मोहसिना सगरी व मालनबी नदाफ यांनी प्रत्येकी अर्ज दाखल केले होते. सरपंचपदासाठी दोन अर्ज आल्याने थेट निवडणूक लागली. मोहसिना सगरी यांना नऊपैकी पाच मते, तर प्रतिस्पर्धी उमेदवार मालनबी नदाफ यांना चार मते पडले. एका मताने मोहसिना सगरी विजयी झाल्या. तर उपसरपंचपदासाठी सदाशिव पांढरे यांचा एकमेव अर्ज आल्याने बिनविरोध निवड करण्यात आली. नूतन सरपंच, उपसरपंच व नवनिर्वाचित ग्रामपंचायत सदस्यांचा सत्कार गावकऱ्यांकडून करण्यात आला.
यावेळी नूतन सरपंच या सत्काराला उत्तर देत असताना म्हणाल्या, यावर्षी अतिवृष्टीमुळे नदीकाठच्या लोकांची घरे उद्ध्वस्त झालेली आहेत. नदीकाठ नागरिकांचा व गावाचा पुनर्वसनासाठी प्रयत्न करणार आहेत. यावेळी उपसरपंच सदाशिव पांढरे, पॅनलप्रमुख निजाम सगरी, ग्रामपंचायत सदस्य शाहीन सगरी, विजया व्हनमाने, गुलाब देडे, पोलीस पाटील शफिक मकानदार, सोसायटीचे चेअरमन लक्ष्मण पांढरे, खाशीम चिक्कळी, राजू व्हनमाने, शांत पांढरे, निवडणूक अध्याशी अधिकारी म्हणून प्रणोती चंदनशिवे, ग्रामसेवक पाचंगे, तलाठी व्ही. एस. पवार यांनी काम पाहिले.
----
०५ बऱ्हाणपूर
पितापूरच्या सरपंच, उपसरपंचपदाच्या निवडीनंतर गावकारभाऱ्यांनी विजयाचा आनंद व्यक्त केला.