सोलापूरच्या विठ्ठल कॉर्पोरेशनच्या जिनिंग आॅईल मिलला आग

सोलापूरच्या विठ्ठल कॉर्पोरेशनच्या जिनिंग आॅईल मिलला आगकुर्डूवाडी: म्हैसगाव (ता़ माढा ) येथील विठ्ठल कॉर्पोरेशन येथील जिनिंग आॅईल मिल येथे लागलेल्या आगीत अंदाजे आठ ते दहा कोटी रुपयांचे नुकसान झाले. आग विझवण्यासाठी विठ्ठल कॉर्पोरेशन, कुर्डूवाडी नगरपालिका, बार्शी नगरपालिका, लोकनेते कारखाना, विठ्ठलराव शिंदे कारखान्याच्या अग्निशमन बंबाने तीन तासाच्या प्रयत्नानंतर आग आटोक्यात आणण्यात यश आले. रात्री उशिरापर्यंत आग विझवण्याचे काम सुरु होते. मात्र आगीचे नेमके कारण समजू शकले नाही. यात सरकी पेंड, कापूस, मशिनरी, सरकी तेल, इलेक्ट्रिक पॅनल असे जाळून खाक झाले. कॉर्पोरेशनचे संजय शिंदे, जिनिंगचे जनरल मॅनेजर संजय जमदाडे,तहसीलदार सदाशिव पडदुणे, नायब तहसीलदार एम. पी. मोरे, पोलीस निरीक्षक ईश्वर ओमसे, तलाठी दत्तात्रय देशमाने यांनी घटनास्थळाला भेट दिली.