मंगळवेढा : मंगळवेढा- सोलापूर महामार्गाचे काम करणारे डी.बी.एल. कंपनीच्या चालकाने जे.सी.बी. निष्काळजीपणे चालवून सिमेंटचा चौकोनी ब्लॉक मोटरसायकलस्वाराच्या अंगावर पडून एक जण मरण पावला, तर एक जण गंभीर जखमी झाला. याप्रकरणी जे.सी.बी. चालक आशिष राजेंद्र प्रसाद पटेल याच्याविरुद्ध गुन्हा दाखल झाला आहे.
पंडित श्रीधर शिंदे (वय ३५, रा. मेटकरवाडी) असे मरण पावलेल्याचे नाव आहे.
पोलीस सूत्राकडील माहितीनुसार जखमी फिर्यादी चंद्रकांत शिंदे व मयत भाऊ पंडित शिंदे हे दोघे गुरुवारी सकाळी १०.३० च्या दरम्यान एमएच- १३ डी- ५२४८ या मोटरसायकलवरून मंगळवेढा येथील सांगोला नाकामार्गे सोलापूरकडे जात होते. सर्व्हिस रोडने जात असताना यातील आरोपी आशिष पटेल याने जे.सी.बी. निष्काळजीपणे चालवत होता. जे.सी.बी.च्या फळीमधून सिमेंट ब्लॉकला धक्का लागल्याने तो ब्रीज खालून जाणाऱ्या मोटरसायकलस्वाराच्या अंगावर पडला. या अपघातात पंडित शिंदे यांच्या मृत्यूस कारणीभूत झाला.