अक्कलकोट : समर्थनगरमध्ये विविध ठिकाणी रस्त्याच्या सिमेंट काँक्रिटीकरणाचा शुभारंभ माजी सरपंच प्रदीप पाटील यांच्या हस्ते झाला.
ब्यागेहळळी रोड - शकील पठाण घर हा ६४ मीटर लांबीचा व दहा फूट रुंदीचा रस्ता, शाब्दी फॉर्महाउस ते वकील बोराळकर यांच्या घरापर्यंत असा दोन ठिकाणी सिमेंट काँक्रिटीकरण कामाचा शुभारंभ करण्यात आला. गेल्या कित्येक वर्षांपासून हा रस्ता प्रलंबित होता.
माजी सरपंच प्रदीप पाटील यांनी जनसुविधा योजनेतून आमदार सचिन कल्याणशेट्टी यांच्याकडे पाठपुरावा करून निधी मिळवला. यावेळी उपसरपंच लाला राठोड, सदस्य सचिन गजधाने, गुरुनाथ नरुणे, शिवाजी मुसळे, चंद्रकांत भोसले, चंद्रकांत गुरव, डॉ.प्रदीप बिराजदार, विनोद राठोड, प्रदीप गुरव, दीपक गुरव उपस्थित होते.
---
आणखीन काही कामे अपेक्षित आहेत. निधीअभावी ती प्रलंबित आहेत. ही कामे मार्गी लावण्यासाठी विद्यमान आमदारांकडे पाठपुरावा चालू आहे. मिळालेल्या कालावधीत पाणीपुरवठ्यासह महत्त्वाची कामे मार्गी लावण्याचा प्रयत्न आहे.
- जयश्री पाटील, सरपंच, समर्थनगर
----
फोटो : ०१ समर्थ नगर
समर्थनगर येथे विविध विकासकामांचे उद्घाटन करताना प्रदीप पाटील, लाला राठोड, दीपक गुरव.