चोरट्याने घरात शिरुन दागिने केले लंपास
बार्शी : शहरातील लातूर रोडवरील राहत्या बंद घराचा कडीकोयंडा अज्ञात चोरट्यांनी तोडून कपाटात ठेवलेले सोन्या-चांदीचे दागिने, रोख, टीव्ही, असा ७२ हजार रुपयांचा ऐवज चोरीला गेला. शुक्रवारी २३ जुलै रोजी पहाटेच्या सुमारास ही घटना घडली.याबाबत खाजाबेगम अब्दुल कादर पटेल, (वय ४२, रा. लातूर रोड गणेशनगर) यांनी पोलिसांत तक्रार दिली असून, आरोपीविरुद्ध गुन्हा नोंदला आहे. यात ४५ हजारांच्या सोन्याच्या १५ ग्रॅमच्या तीन अंगठ्या, ७५०० रुपयांचे चांदीचे पैंजण व वाळे, रोख १० हजार रुपये व १० हजारांचा टीव्ही, चोरून नेला आहे.
यातील फिर्यादीचे पती हे न्यायालयाच्या कामकाजासाठी मुंबईला गेले होते, तर फिर्यादीची आई आजारी असल्याने कुलूप लावून मुलींसह कर्नाटकात माहेरी गेल्या होत्या. याचा तपास पो. नाईक खैरे करीत आहेत.
---