नियमांचे उल्लंघन करणारे हॉटेल सील; ४ हजारांचा दंड

पोलीस निरीक्षक भगवानराव निंबाळकर, फौजदार लतीब मुजावर, कल्याण ढवणे, पोकॉ सिद्धनाथ शिंदे, पोना पवार, पोकॉ कदम, पोकॉ जाधव हे सांगोला शहरात पेट्रोलिंग करीत होते. यावेळी पोलिसांनी सचिन सादिगले यांच्या अपना खानावळ परमीट रुम व बीअर बारची तपासणी केली. व्यवस्थापक सचिन रंभाजी सादिगले, सुरेश बिरा सादिगले, लक्ष्मण आप्पा मोरे, सतीश देविदास फुलमारे, सचिन महादेव त्रिगोणे, संजय दामोदर देशमुख हे विनामास्क, फिजिकल डिस्टन्सिंग न पाळता, सूचनांचे पालन न करता, सॅनिटायझरचा वापर न करता व्यवहार करताना आढळून आले. सदर आस्थापना मालक सचिन सादिगले यांच्याविरुद्ध २५ मार्च रोजी दंडात्मक कारवाई केली. हा प्रकार दुसऱ्या वेळेस घडल्याने हे हॉटेल ३० दिवसांसाठी सील करुन ४ हजार रुपयांचा दंड करून पोलीस ठाण्यात गुन्हा दाखल केला आहे. सदरच्या दुकानाचा पंचनामा करत दुकान सील करून याबाबत रंभाजी बापू सादिगले यांना लेखी कळविले आहे.