मोहोळ : राष्ट्रमाता इंदिरा कन्या प्रशाला व कनिष्ठ महाविद्यालयात संस्था पदाधिकारी यांच्या वतीने शिक्षकांचा सन्मान नायब तहसीलदार भालचंद्र यादव यांच्या हस्ते झाला.
या वेळी संस्थेचे चेअरमन यशवंत गुंड, उपाध्यक्ष संतोष गायकवाड, प्राचार्य सुधीर गायकवाड, संचालक युवराज भोसले यांची प्रमुख उपस्थिती होती. या प्रसंगी संस्थेच्या डी. व्ही. गायकवाड प्राथमिक शाळा, राष्ट्रमाता इंदिरा कन्या प्रशाला, माध्यमिक प्रशाला वडवळ, स्व. सुरेश भोसले प्रशाला पापरी या शाखातील शिक्षक, कर्मचाऱ्यांना भेटवस्तू देऊन सन्मान करण्यात आला.
या वेळी प्राचार्य सुधीर गायकवाड यांनी कोरोनाकाळात शिक्षकांनी केलेल्या अध्यापन कार्याचे कौतुक केले. या वेळी संस्थेचे संचालिका रंभादेवी गुंड, विमल गायकवाड, सचिन गायकवाड, जानू फाटे, संदीप गायकवाड, मुख्याध्यापक डी. डी. व्हनकळस , पी. जी. राजमाने, एस. एच. कोरे, संदीप गायकवाड, ए. एस. नागणे, एन. डी. ताकमोगे, विजयश्री गायकवाड, रावसाहेब सुर्वे उपस्थित होते.
फोटो : ०९ इंदिरा प्रशाला
शिक्षकांचा सन्मान करताना उपाध्यक्ष संतोष गायकवाड.