हन्नूर : उच्च शिक्षण घेण्यासाठी चार मुलींना जिल्हा परिषदेच्या महिला व बालकल्याण विभागाच्या वतीने प्रत्येकी दहा हजारांची मदत करण्यात आली.
एका छोटेखानी कार्यक्रमात चपळगाव (ता. अक्कलकोट) गणाच्या सदस्या मंगल कल्याणशेट्टी यांच्या हस्ते या मदतीचा धनादेश वितरीत करण्यात आला.
इयत्ता १२वीमध्ये ७५ टक्के गुण मिळवून उत्तीर्ण झालेल्या चार मुलींना प्रत्येकी दहा हजारांची मदत करण्यात आली. पूजा सूर्यकांत धर्मसाले, रूपाली स्वामीनाथ पुजारी, श्रद्धा सुरेश मनगुळी व महानंदा सुरेश स्वामी या विद्यार्थिनींना उच्च शिक्षण घेता यावे म्हणून जिल्हा परिषद सेस फंडातून मदत देण्यात आली.
यावेळी हन्नूरचे उपसरपंच सागर कल्याणशेट्टी, ग्रामविकास अधिकारी दयानंद बिराजदार, प्रकाश पाटील उपस्थित होते.
----
फोटो : ०५ हन्नूर
महिला व बालकल्याणच्या वतीने हन्नूरमधील चार विद्यार्थिनींना दहा हजारांची मदत वितरीत करताना मंगल कल्याणशेट्टी.