वडवळ : जिल्हा परिषदेच्या वतीने कोरोनामुक्त शिरापूर (मो) येथील कर्मचारी व पदाधिकारी यांचा गौरव ग्रामीण पाणीपुरवठा विभागाचे प्रभारी कार्यकारी अभियंता सुनील कटकधोंड यांच्या हस्ते झाला.
यावेळी त्यांनी लसीकरण, सर्वेक्षण, टेस्टिंगविषयी माहिती घेत मार्गदर्शन केले. एकजुटीने गाव कोविडमुक्त झाले आहे ही नक्कीच चांगली बाब आहे. मात्र, कोविडमुक्त आहे म्हणून गाफील न राहता पुढील संकटाला सामोरे जाण्यासाठी आरोग्य विभागाचे नियम पाळून सातत्य कायम ठेवावे असे आवाहन कटकधोंड यांनी केले.
यावेळी सरपंच सविता बळवंतराव, आनंद बळवंतराव, पोलीस पाटील हणमंत चव्हाण, राजाराम जावळे, विस्तार अधिकारी संदीप खरबस, ग्रामसेविका मीनाक्षी अक्कलकोटे, शिक्षिका माधुरी बोळकोटे, अंगणवाडी सेविका वंदना जावळे, आशा वर्कर पल्लवी जावळे, रंजना आदटराव, अंकुश बळवंतराव उपस्थित होते.
----
फोटो : १७ शिरापूर
शिरापूर (मो) येथील कर्मचारी व पदाधिकारी यांचा सत्कार प्रसंगी कार्यकारी अभियंता सुनील कटकधोंड.