चपळगाव : स्वामी समर्थ अन्नछत्र मंडळाच्या वतीने अन्नदान सेवा व जयहिंद फूड यांच्या सहकार्याने अक्कलकोट शहर व परिसरातील निराधार व अत्यंत गरजू लोकांना एक वेळचे जेवण देण्याचा निर्णय घेतलेला आहे.
अन्नछत्र मंडळाचे संस्थापक अध्यक्ष जन्मेजयराजे भोसले यांच्या मार्गदर्शनाखाली व प्रमुख कार्यकारी विश्वस्त अमोलराजे भोसले यांच्या नेतृत्वाखाली हा उपक्रम सुरु करण्यात आला. रविवारी स्वामी समर्थ अन्नछत्र मंडळात उपाध्यक्ष अभय खोबरे, सचिव शामराव मोरे यांच्या प्रमुख उपस्थितीत याचा शुभारंभ झाला.
यावेळी मराठा सेवा संघाचे तालुका अध्यक्ष प्रवीण घाटगे, शहाजी यादव, जयहिंद फूडचे अंकुश चौगुले, अशोक जाधव, योगेश पवार, आतिष पवार, हिरा बंदपट्टे, मुदई तांबोळी, आकाश चौगुले, महेश लिंबोळे, सोनू कांबळे, शिवा चौगुले, फहिम पिरजादे, वैभव मोरे, राहुल शिंदे, महांतेश स्वामी, गोविंद शिंदे, चंद्रकांत हिबारे, विकी पवार, सागर पवार, मलंग मकानदार, मल्लिकार्जुन गवळी, राजू झंपले, संभाजीराव पवार, अक्षय पवार, पप्पू वाकडे उपस्थित होते.
----
फोटो : २० चपळगाव
स्वामी समर्थ अन्नछत्र मंडळातर्फे अन्नदान करताना अभय खोबरे, सचिव शामराव मोरे