याबाबत पोलीस सूत्रांनुसार, रतनचंद शहा सहकारी बँकेच्या टेंभुर्णी शाखेतील तत्कालीन शाखा अधिकारी हरिदास राजगुरू व कॅशियर अशोक माळी या दोघांनी २०१६ ते २०२० या कालावधीत शाखेच्या बँक ऑफ इंडिया, शाखा टेंभुर्णी या बँकेच्या खात्यातील असलेली तफावतीची रक्कम एक कोटी ९२ लाख २५ हजार याचबरोबर सोलापूर जिल्हा मध्यवर्ती सहकारी बँकेच्या टेंभुर्णी शाखेतील बँकेच्या खात्यातील तफावतीची रक्कम दोन कोटी ४९ लाख ९० हजार तसेच रतनचंद शहा सहकारी बँकेच्या टेंभुर्णी शाखेतील प्रत्यक्ष उपलब्ध नसलेली हातावरील शिल्लक रकमेमधील तफावतीची रक्कम एक कोटी १४ लाख ८७ हजार ८२२ अशा एकूण पाच कोटी ५७ लाख २ हजार ८२२ इतक्या रकमेचा अपहार केला आहे.
लवकरच गजाआड करू
या गुन्ह्याचे स्वरूप पाहून जिल्हा पोलीस अधीक्षक तेजस्वी सातपुते, अप्पर पोलीस अधीक्षक अतुल झेंडे, उपविभागीय पोलीस अधिकारी (अकलूज) नीरज राजगुरू यांनी दिलेल्या सूचनेनुसार पोलीस निरीक्षक राजकुमार केंद्रे या गुन्ह्याचा तपास करीत आहेत. तपासकामी दोन पोलीस पथके तयार केली आहेत. लवकरच आम्ही आरोपींना गजाआड करू, असे केंद्रे यांनी सांगितले.