पंढरपूर विधानसभा मतदारसंघासाठी एकूण ३८ उमेदवारांनी ४४ नामनिर्देशन पत्र दाखल केले होते. त्यापैकी ३० उमेदवारांचे अर्ज वैध ठरविण्यात आले. यामध्ये पंढरपूर विधानसभा मतदार संघासाठी भगीरथ भारत भालके (राष्ट्रवादी), समाधान महादेव आवताडे (भाजपा), शैला धनंजय गोडसे (बहुजन विकास आघाडी), सचिन अरुण शिंदे (स्वाभिमानी पक्ष), संजय नागनाथ माने (महाराष्ट्र विकास आघाडी), महेंद्र काशिनाथ जाधव (पीपल्स रिपब्लिकन पार्टी), राजाराम कोडींबा भोसले (बळीराजा पार्टी), सिध्देश्वर भारत आवारे (बहुजन महापार्टी) बिराप्पा मधुकर मोटे (वंचित बहुजन आघाडी) तसेच अपक्ष म्हणून संतोष महादेव माने, संदीप जनार्दन खरात, नागेश प्रकाश पवार, नागेश आण्णासो भोसले, इलियास हाजी युसूफ शेख, रज्जाक ऊर्फ अब्दुलरोफ जाफर मुलाणी, संजय चरणू पाटील, अशोक ज्ञानदेव वाघमोडे,अभिजित वामनराव आवाडे-बिचकुले, अमोल अभिमन्यू माने, सुनील सुरेश गोरे, सीताराम मारुती सोनवले, सिध्देश्वर बबन आवताडे, मोहन नागनाथ हळणवर, रामचंद्र नागनाथ सलगर, सुदर्शन रायचंद खंदारे, कपिलदेव शंकर कोळी, सुदर्शन पांडूरंग मसुरे,मनोज गोविंदराव पुजारी, बापू दादा मेटकरी, बिरुदेव सुखदेव पापरे यांचे उमेदवारांचे अर्ज वैध ठरले असल्याची माहिती निवडणूक निर्णय अधिकारी गुरव यांनी यावेळी दिली. अर्ज छाननी प्रक्रियेवेळी निवडणूक निरीक्षक दिब्य प्रकाश गिरी, सहायक निवडणूक निर्णय अधिकारी सुशिल बेल्हेकर, स्वप्निल रावडे उपस्थित होते .
या कारणासाठी यांचे अर्ज अवैध
उमेदवारी अर्जांची छाननीत शीतल शिवाजी आसबे, सिध्दाराम सोमाण्णा काकणकी यांचे वय कमी असल्याने यांचा अर्ज अवैध ठरविण्यात आला. बळीराम जालिंदर बनसोडे, किशोर सीताराम जाधव, सुधाकर रामदास बंदपट्टे यांनी अनामत रक्कम कमी भरल्याने व गणेश शिवाजी लोखंडे यांनी अनामत रक्कम न भरल्यामुळे अर्ज अवैध ठरवला गेला. मतदार संघाबाहेरील सूचक असल्याने सतीश विठ्ठल जगताप यांचा अर्ज अवैध ठरवला. तसेच पोपट हरी धुमाळ या उमेदवाराचा अर्ज मान्यता प्राप्त पक्ष नसल्याने व एकच सूचक दिल्याने उमेदवारी अर्ज अवैध ठरवला आहे.