मोहोळ : युथ संकल्प फाउंडेशन व स्व. अभिजित क्षीरसागर प्रतिष्ठानच्या वतीने शहरातील भटके, गरजू परिवाराला भाजपचे नगरसेवक सुशील क्षीरसागर व शिवसेनेचे सोमेश क्षीरसागर यांच्या हस्ते अन्नधान्य वाटप करण्यात आले. याशिवाय युथ संकल्प फाउंडेशनच्या वतीने नान्नज (ता. उत्तर सोलापूर) येथील कोविड सेंटरला नगरसेवक सुशील क्षीरसागर यांनी भेट दिली. युथ संकल्प फाउंडेशन व स्व. अभिजित क्षीरसागर प्रतिष्ठानच्या वतीने २५० किलो गहू, १२५ किलो तांदूळ, ५० लिटर खाद्यतेल व ३० किलो तूरडाळ अशा स्वरूपाची मदत केली. कोविड सेंटरला सकाळचा नाश्ता, दुपारचे जेवण व सायंकाळचे जेवण इथल्या पेशंट व त्यांच्या नातेवाईकांना पुरवते. हा उपक्रम संभाजी धडे, योगेश गवळी, किसन पाटील व त्यांच्या वतीने हा उपक्रम चालू आहे. यावेळी युथ संकल्प फाउंडेशनचे सदस्य मुजीब मुजावर, सागर लेंगरे, द्रोणा लेंगरे, प्रशांत लेंगरे उपस्थित होते. (वा. प्र.)
---
फोटो : १४ मोहोळ १
मोहोळ येथील मार्केट कमिटीच्या आवारात भटक्या समाजाच्या परिवाराला धान्य वाटप करताना युथ संकल्प फाउंडेशनचे सुशील क्षीरसागर, सोमेश क्षीरसागर, मुजीब मुजावर.
---