कोन्हेरी नवनिर्माण संघ संचलितच्या स्पर्धा परीक्षा अभ्यासिका या पहिल्या प्रोजेक्टच्या यशानंतर दुसरा आदर्श असा प्रोजेक्ट सर्व नोकरदार वर्ग आणि सर्व ग्रामस्थ यांच्या सहकार्याने सर्व समाजउपयोगी असा अभिनव उपक्रम कोन्हेरी नवनिर्माण संघ संचलित चॅरिटेबल हॉस्पिटलचा लोकार्पण सोहळा २० मे रोजी पार पडला. यावेळी उपविभागीय पोलीस अधिकारी प्रभाकर शिंदे, पोलीस निरीक्षक अशोक सायकर, सहायक पोलीस निरीक्षक राजकुमार डुनगे, अमित बांगड, डॉ. महेश माने, सोहम बनसोडे, नीलेश देशमुख, समाधान पाटील आदींसह कोन्हेरी नवनिर्माण संघाचे सदस्य व ग्रामस्थ उपस्थित होते.
---
गावातीलच लोकांनी लोकांसाठी चालवलेल्या आरोग्य चळवळीची सविस्तर माहिती घेऊन पोलीस अधीक्षक तेजस्वी सातपुते यांनी, हा उपक्रम स्तुत्य व आदर्शवत असल्याचे कौतुक केले. यावेळी त्यांनी नवनिर्माण संघामार्फत सुरू असलेल्या अभ्यासिकेचीही पाहणी केली. कोरोनाच्या पार्श्वभूमीवर सर्वसामान्य जनतेला चॅरिटेबल हॉस्पिटल सुरू करून दिलेला दिलासा निश्चितच कौतुकास्पद असल्याचेही यावेळी सातपुते यांनी सांगितले.
---