गाढवे कुटुंबातील पती, पत्नीला एकाच वेळी कोरोनाची लागण झाली. दोघांनाही व्हेंटिलेटर बेड उपलब्ध झाला होता. २८ एप्रिल रोजी उपचारासाठी दाखल केले होते. दुसऱ्या दिवशी सुरेखा सिद्रामप्पा गाढवे (वय ६३) यांचा उपचार सुरू असताना २९ एप्रिल रोजी मृत्यू झाला. यांच्या तिसऱ्या विधी दिवशी म्हणजेच २ मे रोजी सिद्रामप्पा शिवप्पा गाढवे (वय ७४) यांचा मृत्यू झाला आहे. केवळ चार दिवसांत एकाच कुटुंबातील दोघांचा कोरोनाने बळी घेतला आहे.
सिद्रामप्पा हे प्रदीर्घ सेवेनंतर जिल्हा परिषद बांधकाम विभागातून सेवा निवृत्त झाले होते. त्यांच्यावर सोलापूर येथेच अंत्यसंस्कार करण्यात आले. त्यांच्या पश्चात एक मुलगा, दोन मुली, सुना, नातवंडे असा परिवार आहे.
लस घेण्याकडे दुर्लक्ष केल्याचा फटका
मुलगा धनंजय गाढवे हा आमदार सचिन कल्याणशेट्टी यांचा स्वीय सहायक आहे. त्यांनी शेकडो लोकांना कोरोनाची लस घेण्यासाठी प्रवृत्त केले. मात्र घरात आई, वडिलांनासुद्धा अनेक वेळा लस घेण्याबाबत सांगूनही त्यांनी त्याकडे दुर्लक्ष केले. त्याचा फटका या दाम्पत्यांना बसला आहे, अशी चर्चा आहे.
फोटो
०३ सिद्रामप्पा गाढवे
०३ सुरेखा गाढवे