सोलापूर जिल्ह्यातील पोलीस ठाण्यातंर्गत अधिकाऱ्यांच्या बदल्या झाल्या. अकलूज पोलीस ठाण्याचे पो.नि. भगवानराव निंबाळकर यांची सांगोला येथे बदली झाली आहे. त्यांच्या जागी वैराग पोलीस ठाण्याचे पो.नि. अरुण सुगांवकर यांची नियुक्ती झाली आहे. अकलूज पोलीस ठाण्यात रुजू झाल्यानंतर ते बोलत होते. नागपूर, मालेगांव व मुंबई शहरात सेवा बजाविल्यानंतर गेली २ वर्षापासून वैराग पोलीस ठाण्यात काम करुन बदलीनंतर अकलूज पोलीस ठाण्यात रुजू झाले आहेत.
अकलूज पोलीस ठाण्याच्या हद्दीतील गावांची आपण माहिती घेत आहे. गावोगावच्या पोलीस पाटील यांच्यासमवेत बैठक घेवून तेथील समस्या जाणून त्याचे निवारण करण्याचा आपला प्रयत्न राहील. अकलूज पोलीस ठाण्याच्या हद्दीत अवैद्य धंदे करणाऱ्यांची गय केली जाणार नसून महिला सुरक्षितेच्या दृष्टीने अधिक काम करताना दामिनी पथक भक्कम करणार आहे. शहरातील पार्किंग व रस्ते वहातुकीला शिस्त लावून रोडरोमिओंवर कडक कारवाई करणार असल्याचे पोनि सुगांवकर यांनी सांगितले.