कुर्डूवाडी : दवाखान्यातून उपचार घेऊन आपल्या दुचाकीवर घराकडे निघालेल्या दाम्पत्याला पाठीमागून येणाऱ्या दुचाकीने धडक देऊन दुचाकीवरील दाम्पत्याला गंभीर जखमी केले आहे. ही घटना रविवार रोजी दुपारी दीड वाजण्याच्या सुमारास कुर्डूवाडी-शेटफळ रोडवरील लऊळ हद्दीत घडली आहे. याबाबत नागनाथ अर्जुन जानराव (रा.लऊळ ता.माढा) यांनी पोलिसांत फिर्याद दाखल केली आहे.
फिर्यादी हे कुर्डूवाडी येथील खासगी दवाखान्यात आपल्या पत्नीच्या उपचारासाठी आले होते. उपचारानंतर दुचाकी (एम एच ४५ एम ९२२१)वरून आपल्या घराकडे लऊळ येथे जात असताना, कुर्डुवाडी-शेटफळ रोडवर पाठीमागून येणाऱ्या (एम एच ४५ ए डी १७२४) या दुचाकीस्वाराने हयगयीने वाहन चालवून धडक देऊन, अपघातानंतर न थांबता निघून गेला. याबाबत नागनाथ जानराव यांच्या फिर्यादीवरून कुर्डूवाडी पोलिसांत दुचाकीस्वारावर गुन्हा नोंदला आहे.