पंढरपूर येथील विश्रामगृह येथे पालकमंत्री दत्तात्रय भरणे यांच्या अध्यक्षतेखाली सर्व अधिकाऱ्यांची बैठक घेण्यात आली. यावेळी जिल्हा परिषद अध्यक्ष अनिरुद्ध कांबळे, आमदार यशवंत माने, आ. प्रशांत परिचारक, कल्याणराव काळे, भगीरथ भालके, जिल्हा परिषदेचे मुख्य कार्यकारी अधिकारी दिलीप स्वामी, अतिरिक्त जिल्हाधिकारी संजीव जाधव, उपजिल्हाधिकारी सचिन ढोले, पोलीस उपअधीक्षक विक्रम कदम, जिल्हा शल्यचिकित्सक डॉ. प्रदीप ढेले, जिल्हा आरोग्य अधिकारी डॉ. शीतलकुमार जाधव, गटविकास अधिकार रविकिरण घोडके, मुख्याधिकारी अनिकेत मानोरकर, तालुका आरोग्य अधिकारी डॉ. एकनाथ बोधले आदी उपस्थित होते.
‘ब्रेक द चेन’च्या मोहिमेत पोलीस विभागाने लॉकडाऊनची काटेकोर अंमलबजावणी करावी. विनाकारण फिरणाऱ्या नागरिकांवर पोलिसांनी कडक कारवाई करावी. लसीकरणाचे उद्दिष्ट गाठण्यासाठी काटेकोर नियोजन करावे, असेही पालकमंत्री दत्तात्रय भरणे यांनी पोलिसांना सांगितले.
पंढरपूरला आणखी दोनशे बेड वाढवणार
कोविड रुग्णांवर उपचार करण्यासाठी पंढरपूरला सुमारे दोनशे बेडची क्षमता वाढवण्याचा निर्णय बैठकीत घेण्यात आला. पंढरपूर नगरपरिषदेच्या मालकीच्या इमारतीत शंभर बेडची क्षमता वाढविण्यात येणार आहे. यामध्ये सर्व सुविधा खासगी डॉक्टरांच्या माध्यमातून दिली जाणार आहे. त्याचबरोबर डीव्हीपी उद्योग समूहातर्फे अभिजित पाटील यांचे ५० बेड, पडळकर हॉस्पिटलमध्ये ३० आणि गॅलक्सी हॉस्पिटलमध्ये ३० बेडची क्षमता वाढवली जाणार आहे.
फोटो
पंढरपूर येथे घेण्यात आलेल्या बैठकी दरम्यान अधिकाऱ्यांना सूचना करताना पालकमंत्री दत्तात्रय भरणे.