सोलापूर : देशभरात काँग्रेसला चांगले वातावरण असून कर्नाटकमध्ये काँग्रेसला सत्ता मिळाली आहे. त्याचबरोबरच होऊ घातलेलया छत्तीसगड व मध्य प्रदेशातही काँग्रेसचे सरकार येईल. राज्यात लोकसभेसाठी जास्तीत जास्त जागांवर दावा करणार असल्याचे माढा लोकसभा काँग्रेसचे निरीक्षक व माजी खासदार हुसेन दलवाई यांनी व्यक्त केले.
लोकसभेचे निरीक्षक हुसेन दलवाई हे सोलापूर जिल्ह्याच्या दौरय्ावर आले होते. त्यांनी अकलूज येथे माढा लाेकसभा मतदारसंघातील पदाधिकारी, कार्यकर्ते यांची बैठक घेतली. त्यानंतर त्यांनी पत्रकारांशी संवाद साधला. ते पुढे म्हणाले की, सध्या देशामध्ये परिवर्तनाची लाट आहे. येत्या लोकसभा निवडणुकीत काँग्रेसला चांगले यश मिळणार आहे. सध्याच्या राजकीय परिस्थितीनुसार गतवेळी मित्र पक्षाला सोडलेला माढा मतदारसंघ यावेळी काँग्रेस पक्ष लढवेल अन् जिंकेलही असेही ते म्हणाले. यावेळी त्यांनी शिंदे, फडणवीस व अजित पवार गटावर जोरदार टिका केली. आगामी लोकसभा व विधानसभा निवडणुकीत काँग्रेसच्या जास्तीत जागा निवडून आणण्यासाठी त्यांनी पदाधिकारी व कार्यकर्त्यांना मोलाचा सल्ला देत मार्गदर्शनही केले. यावेळी प्रदेश काँग्रेस कमिटीचे उपाध्यक्ष मोहन जोशी, जिल्हाध्यक्ष धवलसिंह मोहिते-पाटील, माजी आमदार धनाजी साठे, पालघरचे रफिक भोईरे, माणचे रणजित देशमुख, प्रकाश जगताप याच्यासह अन्य मान्यवर उपस्थित होते.