सांगोला : नदीपात्रातून बेकायदा वाळू उपसा करून घेऊन जाणारा टेम्पो सांगोला पोलिसांनी पकडला.
१३ जानेवारी रोजी रात्री ११ वाजेच्या सुमारास सांगोल्यात बिलेवस्ती येथे पोलिसांनी ही कारवाई केली. याप्रकरणी पोलिसांनी पप्पू नारायण बोडके व बापू राजाराम गायकवाड (दोघेही रा. बिलेवस्ती, सांगोला) या दोघांविरुद्ध गुन्हा दाखल केला आहे.
पोलीस निरीक्षक सूर्यकांत कोकणे यांच्या मार्गदर्शनाखाली सहा. फौजदार लतीब मुजावर, पोलीस नाईक नागेश निंबाळकर , पोलीस नाईक प्रमोद गवळी यांच्या पथकाने सांगोला-मांजरीदरम्यान गस्त घालत असताना टेम्पो पकडला. बिलेवस्तीजवळून टेम्पो (के.एल. १४, ई ८७७१) निघाला होता. यातून वाळू पडत असल्याचे पाहून चालकास टेम्पो बाजूला घेण्यास सांगितले. टेम्पोच्या हौद्यात एक ब्रास वाळू आढळून आली.