दाखल केसेस काढून घेण्यावरून दोघांना मारहाण

सावे येथील बजरंग श्रीरंग पारसे यांच्या शेतालगत शिवाजी चंद्राप्पा शेळके हे आहेत. या दोघांमध्ये शेतीच्या बांधावरून व इतर कारणावरून भांडण चालू आहे. दरम्यान, २५ रोजी बजरंग पारसे, भाऊ सतीश पारसे यांच्यासह घरातील लोकांनी त्यांचे ज्वारीचे पीक काढून मळणी केली. सायं. ७ च्या सुमारास ज्वारीची पोती पिकअपमध्ये तर कडबा ट्रॅक्टरमधून घेऊन जाताना शिवाजी शेळके यांनी चालकास ट्रॅक्टरची चाके आमच्या रानातून न्यायची नाहीत, असे म्हणून वाद घालत त्याच्यासह आनंदा शेळके, पोपट शेळके व छाया शेळके यांनी बजरंग पारसे यांना यापूर्वी दाखल केलेल्या केसेस काढून घे असे म्हणून वाद घालू लागले. नंतर मारहाण करू लागले. तेव्हा भाऊ सतीश पारसे सोडविण्यासाठी आला त्यालाही शिवाजी शेळके व आनंदा शेळके या दोघांनी मारहाण केली. याबाबत बजरंग श्रीरंग पारसे यांनी फिर्याद दिली असून पोलिसांनी चौघांवर गुन्हा दाखल केला आहे.