सोलापूर : उत्तर सोलापूर तालुक्यात शेतीपंपाची सर्वाधिक थकबाकी बिबीदारफळ त्यानंतर नान्नज व कळमण येथील शेतकऱ्यांकडे असल्याचे उपकार्यकारी अभियंता संतोष कैरमकोंडा यांनी सांगितले. शेतकऱ्यांनी वीज बिल भरून सवलतीचा फायदा घ्यावा, असे आवाहन कैरमकोंडा यांनी केले आहे.
उत्तर सोलापूर तालुक्यातील १३ हजार ८६ शेतकऱ्यांकडे मूळ थकबाकी १०४ कोटी चार लाख ८४५ रुपये इतकी आहे. यावरील दंड व व्याजाचे ४५ कोटी रुपये तर वीज बिल भरणाऱ्या शेतकऱ्यांसाठी शासन माफ करणार आहे. तालुक्यातील बिबीदारफळ गावात ८३० शेतकऱ्यांकडे ६६३ लाख, नान्नज येथील ८०१ शेतकऱ्यांकडे ६३५ लाख, कळमणच्या ७१५ शेतकऱ्यांकडे ६०५ लाख रुपये थकबाकी आहे. देगाव येथील ८२४ शेतकऱ्यांकडे ७०७ लाख रुपये, पाथरी येथे ५९० शेतकऱ्यांकडे ५२१ लाख, डोणगाव येथील ५८३ शेतकऱ्यांकडे ४९५ लाख, पाकणीत ४०० शेतकऱ्यांकडे ३०४ लाख, रानमसले येथील ६४४ शेतकऱ्यांकडे ५७३ लाख, मार्डी येथील ५६८ शेतकऱ्यांकडे ४०२ लाख, अकोलेकाटी ३९१ शेतकऱ्यांकडे ३२५ लाख, तिर्हे ४१५ शेतकऱ्यांकडे ३७५ लाख, हिरज ४२७ शेतकऱ्यांकडे ३३१ लाख, नंदूर ३५० शेतकऱ्यांकडे ३४६ लाख, वडाळा येथील ४३३ शेतकऱ्यांकडे २५५ लाख, बाळे येथील ३६७ शेतकऱ्यांकडे ३३४ लाख, बाणेगाव येथील ३२६ शेतकऱ्यांकडे २६८ लाख, कारंबा येथील ३६२ शेतकऱ्यांकडे २२६ लाख, कौठाळी येथील २९२ शेतकऱ्यांकडे २२९ लाख, गावडीदारफळ येथील ३११शेतकऱ्यांकडे २२६ लाख, पडसाळी येथील ३०३ शेतकऱ्यांकडे २७१ लाख, बेलाटी येथील ३०९ शेतकऱ्यांकडे २३० लाख रुपये इतकी थकबाकी आहे.
कवठे येथील २१३ शेतकऱ्यांकडे १७४ लाख, कोंडी येथील १७४ शेतकऱ्यांकडे १४८ लाख, शिवणी येथील १६५ शेतकऱ्यांकडे १४९ लाख, गुळवंची येथील २२९ शेतकऱ्यांकडे १४४ लाख, हगलूर १८९ शेतकऱ्यांकडे १५९ लाख रुपये थकबाकी आहे. यापैकी ५० टक्के रक्कम भरल्यास ५० टक्क्यांपर्यंत वीज बिल माफ होणार आहे.
--
शेतकऱ्यांकडून प्रतिसाद मिळेना
उत्तर सोलापूर तालुक्यात सिद्धेश्वर, लोकमंगल व सिद्धनाथ हे तीन साखर कारखाने आहेत. याशिवाय इतरही कारखान्यांना तालुक्यातील ऊस तोडणी झाला आहे. मात्र, बिले मिळाली नाहीत. इतरही कारणे असतील. मात्र, शेतकरी वीज बिल भरण्यास तयार नसल्याचे चित्र आहे.