जखमी विशाल धनांजी कांदे (३० रा. बोरगाव खु.ता.बार्शी) यांनी बार्शी तालुका पोलिसात २७ रोजी तक्रार देताच अण्णासाहेब अशोक काजळे रा. आरणगाव ता.बार्शी व यांच्या टिपरचा चालक व इतर एकजण अशा तिघाविरुद्ध गुन्हा नोंदला आहे.
याबाबत अधिक माहिती अशी की २६ रोजी खांडवी येथे टिप्परला नवीन टायर टाकण्यासाठी जखमी व गणेश उकिरडे थांबले होते. त्यावेळी याचा टिप्पर बघून फॉरचून गाडीतून आलेले काजळे व त्यांचे साथीदार थांबले व काजळे यांनी जखमीस माझे पैसे दे असे म्हणून शिवीगाळ केली व गाडीत बळजबरीने बसविले व वडशीगे गावाजवळ येताच लोखंडी रॉडनी मारहाण केली व जखमीस रात्रीच्यावेळी टेभुर्णी गावातील चौकात सोडून गेले. जखमी अवस्थेत असताना गावाकडून गाडी मागवली येथे आल्यानंतर तालुका पोलीसात तक्रार दिली याचा तपास पोसई प्रवीण जाधव करत आहेत.
----