प्रत्यकेवर्षी भोगी व मकर संक्रांतीनिमित्त महिला भाविकांची श्री विठ्ठल-रुक्मिणी मंदिरात मोठ्या प्रमाणात गर्दी होत असते; परंतु यंदा कोरोनाचे संकट सर्वांवर ओढावले आहे. कोरोनाचा प्रादुर्भाव अधिक वाढू नये यासाठी श्री विठ्ठल-रुक्मिणी मंदिर समितीने श्री विठ्ठल-रुक्मिणीचे मुखदर्शन सुरू ठेवले आहे. मुखदर्शनही मोजक्याच लोकांना उपलब्ध करून देण्यात आले.
त्याचबरोबर भोगी व संक्रांतीनिमित्त मंदिरात महिलांची वाणवसा करण्यासाठी गर्दी होऊ नये. गर्दी झाल्यास कोरोनाचा प्रसार होऊ शकतो. यामुळे मंदिरात वाणवसा करण्यास बंदी केली होती. कोरोनाचे संकट असून देखील इतर जिल्हा, पंढरपूर शहर व तालुक्यातील महिलांनी मोठ्या श्रद्धेने विठ्ठलाच्या दर्शनासाठी गर्दी केली. आलेल्या सर्व सुवासिनी महिलांनी मंदिरात जाण्याचा हट्ट न करता, श्री संत नामदेव पायरीसमोरच एकमेकींना ओवसून आपली संक्रांत साजरी केली.
फोटो
१४पंढरपूर-वानवसा
ओळी
श्री विठ्ठल-रुक्मिणी मंदिर बंद असल्याने नामदेव पायरीसमोर वाणवसा करण्यासाठी महिलांनी गर्दी केली. (छाया : सचिन कांबळे)