मंगळवेढा : जप्त केलेल्या अवैध वाळू साठ्याचा लिलाव २३ मार्च रोजी उपविभागीय अधिकारी कार्यालय, मंगळवेढा येथे आयोजित केल्याची माहिती प्रांताधिकारी उदयसिंह भोसले यांनी दिली.
सिद्धापूर येथील वाळू ठेक्याच्या लिलावातील ६ हजार १४४.४८ ब्रास वाळू साठ्याचा लिलाव करण्यात येणार आहे. हा वाळूसाठा सिद्धापूर येथे ४ हजार ६४४.८४ ब्रास, माणनदी पात्रातील गट नं. ८९ येथे ५०० ब्रास, ढवळस माणदीतील विहिरीशेजारी १ हजार ५०० ब्रास वाळूसाठा ठेवला आहे. या वाळू साठ्याची किंमत २ कोटी २७ लाख ३५ हजार ९०८ रुपये इतकी आहे. ज्यांना या वाळू लिलावात भाग घ्यायचा आहे, अशांनी संबंधित वाळू साठ्याची पाहणी करावी, असे आवाहन प्रांताधिकारी भोसले यांनी केले आहे.