बार्शी : अलीपूर (ता. बार्शी)च्या राजकीयदृष्ट्या अत्यंत महत्त्वाच्या समजल्या जाणाऱ्या ग्रामपंचायतीच्या सरपंचपदी आ. राजेंद्र राऊत गटाचे अशोक मुंढे, तर उपसरपंचपदी अल्पना कसबे यांची निवड करण्यात आली.
अत्यंत चुरशीच्या निवडणुकीत दोन्ही गटांकडे समान सदस्य संख्या असल्याने चिठ्ठीद्वारे अशोक मुंढे यांची सरपंचपदी निवड करण्यात आली. यावेळी सदस्या वनमाला लांडगे, सविता बंडलकर, गणपत तावडे, बाबा सुदामे उपस्थित होते.
अशोक मुंढे यापूर्वी उपसरपंच होते, तर त्यांची पत्नी उज्ज्वला मुंढे या पाच वर्षे सरपंच होत्या. मुंढे यांची सत्तेतील तिसरी टर्म आहे. मुंढे यांचा यावेळी सत्कार करण्यात आला. यावेळी पहिलवान दीपक सुरवसे, सचिन वायकर, संजय बारबोले, गणेश गोडसे, सराफ व्यापारी रत्नाकर खोत, गोरख यादव, प्रमोद शिंदे, सुरेश सकट, संतोष लांडगे, राजाभाऊ माने, लहू मुंढे, संतोष हालमे, गोपाळ कोकाटे, दिलीप वायकर, तेजस सुरवसे, बप्पा माने उपस्थित होते.
----
फोटो : २८ अलीपूर
अलीपूरच्या सरपंचपदी अशोक मुंढे यांची निवड झाली. त्यांचा सत्कार करताना पहिलवान दीपक सुरवसे, गणपत गावडे, बाबा सुदामे.