मोक्का केसमधील आरोपीस अटक

मिथुन काळे हा पुळूज परिसरात येऊन गुन्हा करण्याच्या तयारीत असल्याची माहिती सहा. पोलीस निरीक्षक शंकरराव ओलेकर यांना मिळाली. त्याप्रमाणे तत्काळ ते स्वत: व सहा. पोलीस निरीक्षक खरात हे पथकासह खासगी वाहनाने पुळूज परिसरात गेले. पुळूजकडे जाताना लागणाऱ्या कमानीजवळील द्राक्षाच्या बागेमध्ये पाठलाग करून त्यास ताब्यात घेतले. त्याच्यावर पोलीस ठाण्यात गु. र. क्र. ७०२/२०१७ भादंविक ३२४, ३२३, ५०४, ५०६, ३४, गु.र. क्र. २०१/२०१९ भादंविक ३९४, ३२७, ३४, गु. र. क्र. २७९/२०१९ भादंविक ३५३, १४३, गु. र. क्र. २८१/२०१९ भारतीय हत्यार अधिनियम कलम ४, २५, गु. र. क्र. २७२/१९ भादंविक ३९५, ३९७,३ ४२ सह मोक्का कायद्याप्रमाणेे, त्याचबरोबर अकलूज पोलीस ठाण्यात १६६/२०१६ भादंविक ३७९ असे अनेक गुन्हे दाखल आहेत. ही कारवाई खरात, ओलेकर यांच्यासह सुजित उबाळे, सोमनाथ नरळे, देवेंद्र सूर्यवंशी यांनी केली.