ग्रामीण भागातील प्रमुख गावांतर्गत रस्ते काँक्रिटीकरण, वाड्यावस्त्यांवरील रस्ते खडीकरण व मुरमीकरण करणे तसेच पेव्हरब्लॉक बसविणे, भुयारी गटारे दुरुस्ती करणे, सामाजिक सभागृह बांधणे यासारखी अनेक विकासकामे करण्याकरिता शासनाकडे निधी मिळण्यासाठी मागणी केलेली होती. त्यानुसार, शासनाने माढा विधानसभा मतदारसंघातील समाविष्ट पंढरपूर व माळशिरस तालुक्यांतील विकासकामांसाठी २ कोटी २१ लाख रुपयांचा निधी मंजूर झाला आहे. लवकरच ही कामे सुरू होणार आहे.
यामध्ये पंढरपूर तालुक्यातील जळोलीसाठी १० लाख, कान्हापुरी १० लाख, सांगवी-१० लाख, चिंचणी-१० लाख, नेमतवाडी- १० लाख, पेहे-१० लाख, टाकळी (पु)-जळोली - १० लाख, वाडी-कुरोली -१० लाख, खेड-भोसे -१० लाख, खरातवाडी- १० लाख, अजोती - १० लाख, ना. चिंचोली - १० लाख, भटुंबरे - १० लाख, भटुंबरे उजनी वसाहत - ७ लाख, सुगाव (खेडभोसे)- १० लाख, तरटगाव - ७ लाख, बादलकोट- ५ लाख, उजनी वसाहत (पट-कुरोली) - ९ लाख तसेच माळशिरस तालुक्यातील लवंग - १३ लाख, वाघोली - १० लाख, वाफेगाव - १० लाख, उंबरे (वे) - १० लाख, कोंढारपट्टा - १० लाख असा एकूण २ कोटी २१ लाख रुपयांचा निधी विकासकामासाठी मंजूर झालेला आहे.
या निधीची तरतूद करण्यासाठी उपमुख्यमंत्री अजित पवार व ग्रामविकासमंत्री हसन मुश्रीफ यांच्या सहकार्यामुळे निधीची तरतूद झाली असल्याने मतदारसंघातील विकासकामांना गती मिळणार असून मंजूर झालेली कामे लवकरच सुरू करण्यात येणार असल्याचे आ. शिंदे यांनी सांगितले.
--------