तालिबानी सैतान--

मालवणी तडका

सकलो : तालिबानी सैतानी केली. अगदी हैवान. मानव जातीक कलंक!तुकलो : खयलोच माणूस तेंच्या ह्या कृत्याक समर्थन देवचो नाय. पन त्या कुत्र्यांनी ह्या काम केला तेचा समर्थन हे कुत्रे भोकान करतत. सकलो : मानूस क्रूर आसता, पन ‘प्री प्लॅनिंंक’ करून कोवळ्या पोरांची हत्या करना म्हंजे मेल्यांचा काळीज कसला आसतला? तुकलो : पाकड्यांका आता कळतला, दहशतवाद पोसलो की काय व्हता ता.सकलो : खरा हा. दहशतवाद ह्यो कसोव आसलो, तरी तो वायटच आसता. आनी दहशतवादाक खतपानी घालनारो पाकिस्तान त्या पाकिस्तानातच तालिबान्यांनी कबरस्थान केला. निदान आता तरी पाकड्यांचे डोळे उघाडतीत. तुकलो : मानूस अशी मानसांची अगदी कोवळ्या पोरांची हत्या करता. ‘इस्लामी’ सत्ता स्थापन करूचेसाठी कोवळ्या पोरांची आहुती?सकलो : ज्या पोरांका आज काय व्हयत, हेची पुसटशीसुध्दा कल्पना नाय व्हती. आवसबापूस पोरगी साळेत गेली हत म्हनान बिनधास्त व्हती. तुकलो : तेंची कत्तल व्हयत, असा सपान पडला, तरी दचकाक व्हयत. ता प्रत्यक्ष घडला. सकलो : घडला न्हय, घडवला गेला. इतको मानूस हैवान बनलो हा. सत्तेसाठी आसुसलो हा. धर्मासाठी माजलो हा. पन ‘मानूस’ ह्यो धर्म इसारलो. तुकलो : ज्या कुत्र्यांनी ह्या कृत्य केला हा, तेंच्या आवशीबापाशींकासुध्दा वाटला नसतला, आपलो पोर असा कायतरी करीत म्हनान.सकलो : आजकाल कोनाक काय कळना नाय असा नाय. तरी पन इतक्या भयंकर कर्म करूचा धाडस मानूस करूक शकता म्हंजे?तुकलो : मानसातनी लागलली ही स्पर्धा हा. आनी अशी ही स्पर्धा इतकी टोकाक गेली हा, की जीव घेवक आनी जीव देवकसुध्दा मानूस इचार करना नाय. सकलो : जगातल्या सगळ्या राष्ट्रांनी येकच येवन हेच्यार तोडगो काढूक व्हयो. मानसांका मानसासारक्या जगाचो मुलभूत अधिकार हा. तो कोनी हिसकावन घेता न्हये. तसा कोनी धाडस पन करता न्हये. असा करूक व्हया. तुकलो : आपला जळला तर ता कळता. आता पाकिस्तानाक कळला ह्यो दहशतवाद पोसल्याचे परिनाम काय झाले ते. सकलो : पन तेचेसाठी कोवळी हसरी पोरगी बळी गेली तेचा काय? तुकलो : त्या घटनेन पुरो जग हळहळलो हा. ह्या जगानच आता कायतरी ठोस पावला उचलूक व्हयी हत. सकलो : खरा हा. नायतर मानूस म्हनान आमी जगन्याक लायक नाय हव. तुकलो : अगदी बरोबर. मानसा मानसा सारको वागन्याचो प्रयत्न कर रे बाबा. हैवान होव नुको. परत परत ह्यो जन्म गावना नाय. पन ह्या हैवानांक सांगान काय उपयोग? तरी पन हेच्यातसून कायतरी शिका, असा वाटता...- विजय पालकर