शॉक खात्याचा भॉक!

मालवणी तडका

सकलो : शॉक आनी खात्याचा भॉक ही काय भानगड हा? की नया है वह?तुकलो : ती नई भानगड नाय हा, ती जुनी-पुरानी भानगड हा. इतकी जुनी पुरानी झाली की, आता त्यो तारो कधीव तुटान मानसारनी पडतत. सकलो : वीज खात्याचा बोलतस मा?तुकलो : व्हय रे. वीज बिला भरूक व्हयी आनी हेंचो बापूस बदलतो? अरे कित्येक वर्सांच्यो ह्यो तारो फुटाफुटार ‘जॉईन्ट’ मारललो हत. सकलो : खरा हा. आता त्यो सगळ्यो कोरम झाल्यो हत. खय खय तीस वर्सांच्यो तारो हत. बदलले म्हनान हेंचे रिपोर्ट गेलले आसतले. आनी पैसो खोऱ्यांनी वडलल्यो हत. तुकलो : टेलिफोन खाता आनी ह्या वीज खाता. तुका सांगतय, माझा डोक्या खाता. मेल्यांची भरमसाट बिला न चुकता भरायची आनी व्हयी त्या येळाक लायट नाय आनी व्हयो त्या येळाक फोन लागना नाय. सकलो : आमी नागरिकव जबाबदार हव. तुकलो : खरा हा, आमच्याच आंगात मस्ती हा. पन अशे नाहक बळी पडाक लागले, तर वीज खात्याची चौकशी लावक व्हयी. सकलो : खरा हा. त्या दोन तरुनांचो बळी ह्या खात्याच्या हलगर्जीपनानच झालो हा. तुकलो : आनी आता सगळ्यो तारो कोरम झालल्यो हत. कधी तुटतीत आनी कधी कोनाचो बळी घेतीत ता सांगाक येवचो नाय. सकलो : बरेच ‘लायनी’ बदलूचे आदी बदलल्यो म्हनान बिला काढलली हत आनी अधिकाऱ्यांनी पिला काढलली हत. तुकलो : किती वर्सान तार बदलूक व्हयी? ती बदलली काय? ती बदलूचे आदी बिला भायर पडली? ह्या सगळ्या प्रश्नांची उत्तरा आपून नाय घेतली, तर आनखी कोनचे तरी बळी जातले. आनी हेच्यात बिचारे साधे वायरमन रोषाक बळी पडतले.सकलो : आनी मोठी धेंडा बाजूक रवतली. तुकलो : अगदी बरोबर. वाडीत एकाच दिवसात तीन ठिकानी ताऱ्यो तुटतत म्हंजे तारेंची अवस्था काय झालली आसतली? त्या तारेंनी तरी किती सहन करूचा? सकलो : मानसा मरतली, हानी व्हतली, हेचा सोयरसुतक अधिकाऱ्यांका आनी मंडळाक नाय हा. तेंका फक्त व्हयो हा पैसो. वडाप वडायचा आनी खाली मान घालून लोकांच्यो गाळी खायच्यो. तुकलो : ताऱ्योच न्हय, ही यंत्रनाच सडलली हा. सकलो : ह्या पोलापासून त्या पोलापर्यंत एकसंघ तार गावात, तर ह्या खात्यात बक्षीस देवचा. तुकलो : ख्ररा हा. सरासरी काढलस, तर चार-पाच जॉयन्ट आसतले. मेल्यांनू सगळोच पैसो अंदर करू नुको. कधी तरी लॉक तुमचो बंदर करतीत आनी तुमी अंदर जाशात.......- विजय पालकर