चार चार पोरा काढा

मालवणी तडका

सकलो : काय? चारचार पोरा काढा मेल्या तुका काय खुळबीळ लागला की काय ?तुकलो : माका खूळ लागाक नाय, किमान चार तरी पोरा काढूक व्हयी असो आदेश हा. सकलो : मेल्या चार पोरा काढूक व्हयी ता काय आपल्या हातात हा. तुकलो : माका म्हायत नाय, पयतेक हिंदून किमान चार तरी पोरा जन्माक घालूक व्हयी. येकाक साधू बनवायचा येकाक सीमेर पाठवायचा. सकलो : आनी दोघांका राजकारनात घालायचे आनी देशाबरोबर जगाचा वाटोळा करायचा. तुकलो : असा कसा तू म्हनतस ?सकलो : हे सगळे राजकारनीच देशाचा वाटोळा करुक लागले हत. साक्षी महाराज भाजपचे खासदारच असा म्हणाले. हिंदून चार पोरा जन्माक घाला म्हणान. तुकलो : व्हय माका सांगा हिंदूनीच लिमिटमध्ये कित्या रवाचा? सकलो : ह्या आमी म्हंजे देशाचा हित जपनाऱ्यांनी नसबंदी केल्यार सांगतास? आदी सांगाक काय झाला? तुकलो : पोरा कमी आसली की देशाचा भला होता?सकलो : राजकारन्यांचो ह्यो खेळ हा रे बाबा, ह्या धर्मातल्या लोकांनी नसबंदी करता न्हये.तुकलो : येका धर्मान कितीव पोरा काढायची नी येकान लिमीट जपायचा. सकलो : तेकाच राजकारन म्हनतत.तुकलो : हे राजकारनी खयल्या धर्माचे आसतत रे?सकलो : मानव धर्म सोडून बाकी सगळ्या जाती धर्माचे. तेंका तेंची जात तेंचो धर्म वाढवचो आसाता. तुकलो : तो कर्मान वाढवचो आसता मरे. सकलो : इतकी सवड कोनाक हा. कर्मान वाढवचे पेक्षा फर्मान सोडला की वाढता तर कर्मान करत येळ कित्या घालवा. तुकलो : खरा हा तेच्यार के. सी. त्यागी हेंनी म्हने मोहन भागवतांनी आदी लगीन करुन चार पोरा काढूची आनी मगे हिंदूंका आवाहन करुचा. सकलो : ह्याच तर सगळा राजकारन हा. मानूस आपून दोन पायाचो मानूस आसय ह्या इसरत चललो हा. ह्यो मुसलमान तो हिंदू दुसरो ख्रिश्चन असा करीत आपनाक दोन पाय आनी याक ह्दय हा असो आपून भावना आसलेला मानूस हय ह्याच इसारलो हा. तुकलो : अगदी खरा हा. सकलो : म्हनान योक झील संन्याशी योक झील सीमेर.अरे मेल्यानू मानसा मानसात लढाक व्हयीच कित्या ? मानुसकी सोडलास तर सीमेर शंभर शंभर पोरा काढून पाठवलास तरी काय उपयोग ? तुकलो : अगदी खरा. सकलो : जाती धर्मात तेढ आनी माणुसकीत छेद असा करुन अस्तीर बनवलास पन तुमका कळतला कधी? तुकलो : ह्या सगळा मानसाच्या हातात काय नाय हा. सगळा नियती ठरवता हा, तसा बोलला जाता तसा वागला जाता. आनी मगे तसाच भोगला जातला. मानसा कधी वागतलस मानसासारको.....- विजय पालकर