रत्नागिरी : इंडियन पॉवर लिफ्टींग फेडरेशन, पंजाब पॉवर लिफ्टींग असोसिएशनतर्फे कापूरथळा येथे झालेल्या पॉवर लिफ्टींग अजिंक्यपद स्पर्धेत येथील सुवर्णकन्या प्रियदर्शनी जागुष्टे हिचा दोन सुवर्ण पदकासहित स्ट्राँग वुमन आॅफ इंडिया सन्मानाने गौरव करण्यात आला.या स्पर्धेत रत्नागिरीतील शिवानी साखरकर हिने ६३ किलो वजनी गटात रजत, सिमरन आवटी हिने ४३ किलो वजनी गटात सुवर्ण, प्रथमेश पावसकर यांनी कांस्यपदक पटकावले आहे. अजिंक्यपद स्पर्धेत प्रियदर्शनीने ८४ किलो वजनी गटात २०० किलो स्क्वॉट, ११० किलो बेंचप्रेस व १९० किलो डेड असे एकूण ५०० किलो वजन उचलून सुवर्णपदकासह स्ट्राँग वुमन पुरस्कार मिळवला. राष्ट्रीय सिनीअर डेडलिफ्ट अजिंक्यपद स्पर्धेत ८४ किलो वजनी गटात १९० किलो डेड उचलून प्रियदर्शनीने पुन्हा सुवर्ण व स्ट्राँग वुमन असा दुहेरी विक्रम केला. (प्रतिनिधी)
प्रियदर्शनी जागुष्टे दुहेरी ‘स्ट्राँग वुमेन’ने सन्मानित
By admin | Updated: April 8, 2015 00:28 IST