बांदा येथे इनोव्हा कार, टेम्पोमध्ये अपघात

कोणालाही दुखापत नाही

 बांदा : मुंबई- गोवा महामार्गावरील बांदा स्मशानभुुमीनजीक टेम्पो व इनोव्हा कार यांच्यात धडक झाली. या अपघातात कारच्या दर्शनी भागाचे मोठया प्रमाणात नुकसान झाले. या अपघाताची बांदा पोलिसांत नोंद करण्यात आलेली नाही. टेम्पो व इनोव्हा कार यांच्या झालेल्या अपघातात सुदैवाने कोणालाही दुखापत झालेली नाही. कारमधील प्रवासी हे गोव्याहून मुंबईच्या दिशेने जात होते. बांदा स्मशानभुमीनजीक महामार्गावर कारच्या समोर असलेला टेम्पो कोणताही इशारा न करता अचानक वळल्याने कारची टेम्पोला पाठीमागून धडक बसली. यामध्ये कारच्या दर्शनी भागाचे मोठया प्रमाणात नुकसान झाले. कारचालक व टेम्पोचालक यांच्यात अपघात प्रकरण तडजोडीने मिटविण्यात आल्याने या अपघाताची बांदा पोलिसांत नोंद करण्यात आलेली नाही. (प्रतिनिधी)