गजानन महाराज प्रगटदिन सोहळ्याचे आज आयोजन

गजानन महाराज प्रगटदिन सोहळ्याचे आज आयोजन

सिन्नर : तालुक्यातील बारागाव पिंप्री येथील विद्यावर्धिनीनगरमध्ये श्री सिन्नर गजानन महाराज बहुद्देशीय सेवाभावी संस्थेच्या वतीने गजानन महाराज प्रगटदिन सोहळ्यानिमित्त विविध कार्यक्रमांचे आयोजन करण्यात आले आहे. मंगळवारी सकाळी ७ वाजता श्रींच्या पादुकांचा अभिषेक, सकाळी साडेसात वाजता श्रींचे चक्री पारायण, सकाळी ९ वाजता पादुकांची पालखी मिरवणूक होऊन, दुपारी १२ वाजता महाआरती व त्यानंतर महाप्रसादाचे आयोजन करण्यात आले आहे. दुपारनंतर सायंकाळी ५ वाजेपर्यंत रक्तदान शिबिर होणार आहे. रात्री ९ वाजता वाजता बालकीर्तनकार ऋषिकेश महाराज पवार (नाशिक) यांचे कीर्तन होणार आहे. या विविध कार्यक्रमांना भाविकांनी उपस्थितीत राहण्याचे आवाहन गजानन महाराज बहुद्देशीय सेवाभावी संस्थेच्या वतीने करण्यात आले आहे. (वार्ताहर)