भाव खाव नुको

मालवणी तडका

सकलो : भाव खाव नुको म्हनान तू कोनाका सांगतस? तुकलो : महाराष्ट्राच्या राजकारणातल्या दोन भावांका सांगतय. भाव खाव नुको म्हनान. सकलो : म्हंजे भावाक खाव नुको असा तुका सांगाचा हा की काय?तुकलो : येका अर्थी तसाच सांगाचा हा. पन तुका वाटतला ता ठाकरे बंधुंचा हा की काय? सकलो : म्हंजे ठाकरे बंधूंचा न्हय?तुकलो : मी आपला काल्पनिक पात्रा घेवन सांगतय. योक राज आसता आनी योक उध्दव आसता.सकलो : म्हंजे धनुष्यवाले आनी इंजिनवाले. तुकलो : तुका जा वाटता ता माझ्या मनात नाय. पन माझ्या जा मनात हा ता तुझ्या ध्यानात ठेव. म्हंजे महाराष्ट्राचा भला व्हयत. सकलो : तू ज्योतिषासारकी भाषा बोलाक लागलस. तुकलो : असा तुका वाटतला, पन तसा नाय आसा. राजला पन वाटलला माझ्या पाटसून सेना येयत म्हनान. तसा व्होवक नाय. सकलो : उध्दवान बांध घातल्यान म्हनान सेना थांबान रवली. पन थोडी वाटनी झाली. तुकलो : असा तुका वाटता मतांची वाटनी झाली म्हनान. पन ता राज मानूक तयार नाय. सकलो : तो तेचो दोष. पन वाटनी झाली ह्या खरा हा. तुकलो : ह्या तुझ्यासारक्या सामान्यांका वाटता वाटनी म्हंजेच विभागनी झाली. पन राज ह्यो असामान्य हा. तेका तसा वाटना नाय. सकलो : म्हनान तर रामदास तेका म्हनता, माझी करता टिंगल म्हनान तेची निवडान येता सिंगल. तुकलो : ते येकामेकाची खेचतत. सकलो : बरोबर हा. म्हंजे तेंची डबलबारीच लावक व्हयी हा. तुकलो : समोरासमूर इले तर ते काय शिल्लक ठेवचे नाय. दोघांनीव कमरेचा सोडून डोक्यावर बांधाची तयारी ठेवलली आसता, अशी तेंची भाषा आसता. सकलो : राजकारनात विरंगुळो ह्यो व्हयोच आसता. नाटकात कॉमेडी पात्रा कशी आसतत, तसा हा. तुकलो : ते दोघव भाव कधी येकत्र येवचे नाय. येवचा व्हता तर निवडनुकीच्या आदी येवक व्हया व्हता. असाव रामदासान पुडी सोडल्यान. सकलो : तेका काय पुडी सोडूनच देवची आसता. येकदा पुडी सोडली की दुसऱ्या खयल्या भाषनात राज तकडे पुडी सोडता. आनी आपल्या तत्वज्ञानात आपला काम इसारता. तुकलो : अगदी बरोबर. लोका सांगे ब्रम्हज्ञान आपन कोरडे पाषान असा. अरे तुमी तुमचो इगो वायच बाजूक सारा आनी येवा मरे येकत्र. सकलो : वायच खय घरात खट्ट झाला की दवाखान्यातनी भेटतत मगे आमच्यासारके निर्लज्ज तेेंका इचारतत, आता येतास मा येकत्र?तुकलो : मगे पोटात हसत ही राजकीय भेट न्हय. वगीच तुमी तेचो येगळो अर्थ काढू नुको. सकलो : मगे आमची चॅनलवर चर्चा सुरू. दोन भाव येकत्र येतत. तेच्या तज्ज्ञांची की पोपटपंचीवाल्यांची चर्चा रंगात येता. तुकलो : तेच्यात आपनाक किती म्हायती ह्याच सांगला जाता. सकलो : मगे भावांच्या प्रतिक्रिया. तेतूर राजकीय काय नाय. आमी ‘घरगुती’साठी येकत्र येतव. तुकलो : अगदी बरोबर. तेचो तुमी नुको तो अर्थ काढू नुको, म्हनान वर तंबी. सकलो : तुमका खराच जर महाराष्ट्राच्या जनतेचो जो तुमी सांगतास, तसो पुळको हा तर झाला गेला सगळा इसरा आनी मारा मिठी येकामेकाक. तुकलो : पन पयली मिठी कोनी मारूची म्हनान जर तुमी इचारच करीत रवलास, तर सगळो येळ निघान गेललो आसतलो. सकलो : आनी तुमची चेष्टा दाढी कुरवाळत रामदास करतलो. आनी तेना ती करूचीच. असाच तुमचा वागना आसता. तुकलो : खरा हा. सायबांची प्रॉपर्टी सैनिक हा, ह्या पुऱ्या महाराष्ट्राक म्हायती हा. तेची वाटनी झाली, तर शिल्लक काय रवाचा नाय. ती वाढाक व्हयी, तर तुमी येकत्र येवा. सकलो : कळता पन वळना नाय. तुकलो : खरा हा. म्हनान सांगाचा वाटता, भाव खाव नुको आनी भावाकव खाव नको. - विजय पालकर