आॅनलाईन लोकमत
सिंधुदुर्गनगरी, दि २५ : शासनाच्या अन्न मंत्रालयाने दि. ८ फेब्रुवारी २0१७ अधिसुचनेनुसार सार्वजनिक वितरण व्यवस्थेअंतर्गत लाभ मिळण्यासाठी पात्र लाभार्थ्यांने आधार क्रमांक संबंधित कार्यालयास दिनांक ३0 जून २0१७ पर्यंत सादर करणे आवश्यक आहे. यासाठी शिधापत्रिका धारकांनी त्यांच्या सोयीच्या दृष्टीने दिनांक १५ जुन २0१७ पर्यंत आपले आधार क्रमांक तहसिलदार कार्यालयाचे पुरवठा विभागाच्या संबंधित यंत्रणेकडे कृपया जमा करावेत असे आवाहन जिल्हा पुरवठा अधिकाऱ्यांनी केले आहे.
जे पात्र लाभार्थी विहित मुदतीत आधार क्रमांक जमा करणार नाहीत त्यांना कागदपत्राची पडताळणी संबंधित शासकीय अधिका-यांकडून केल्यानंतरच लाभ अनुज्ञेय होणार आहेत. शिधापत्रिका व आधार नोंदणी केल्याची स्लीप किंवा आधार नोंदणी करण्यासाठी केलेल्या विहित नमून्यातील विनंतीची प्रत व खालील पैकी कोणतेही एक कागदपत्र- मतदान ओळखपत्र, पॅनकार्ड, पासपोर्ट, प्राधिकृत अधकिा-याने दिलेला वाहन चालक परवाना, राजपत्रित अधिकारी किंवा तहसिलदार यांच्या पत्रावर निर्गमित फोटो ओळखपत्र / फोटोयुक्त बँक पासबुक, पोस्ट विभागाकडून देण्यात आलेले निवासी पत्ता असणारे कार्ड (नाव व फोटोसहित), किसान फोटो पासबुक, अन्य राज्य शासन/केंद्रशासितप्र देश प्रशासनाकडून विनिर्दिष्ट अन्य दस्तऐवज.